Според податоците на Министерството, убиени се 1.709 жени, а ранети се 18.484 лица, пренесе агенцијата Франс прес.
Оваа петта израелска војна против Хамас е најсмртоносната по повлекувањето на Израел од Газа во 2005 година, две години пред Хамас да ја преземе власта насилно, поразувајќи ги силите лојални на поумерениот Фатах.
Во Израел од 7 октомври загинаа повеќе од 1.400 луѓе, главно цивили. Повеќето од нив загинаа на првиот ден од нападот, кога стотици екстремисти на Хамас ја пробија граничната ограда и навлегоа во јужниот дел на израелската територија со поддршка на баражен ракетен оган. На израелска страна беа ранети повеќе од 5.400 луѓе.
Хамас тој ден зароби повеќе од 220 луѓе и ги одведе во Појасот Газа. Досега ослободи четири жени, меѓу кои и две Американки.
