Еден од најлесните начини да заштедите е да ја прилагодите температурата на бојлерот. Повеќето дозволуваат регулација на температурата, се препорачува таа да биде помеѓу 50 и 60 степени Целзиусови. На овој начин избегнувате непотребно загревање на водата на претерано високи температури, што ја намалува потрошувачката на енергија и трошоците.
Друг важен чекор за заштеда е исклучувањето на бојлерот кога не го користите. Доколку подолго време не сте дома или не ви треба топла вода навечер, можете да го исклучите бојлерот за да спречите непотребна потрошувачка на струја.
Редовното одржување на бојлерот е важно за неговата ефикасност. Навремената проверка на состојбата на уредот и отстранувањето на бигорот ја подобрува неговата работа и ја намалува потрошувачката на електрична енергија. Покрај тоа, дополнителната изолација на бојлерот може да придонесе за уште поголема заштеда, бидејќи спречува губење на топлина и ја намалува потребата од постојано загревање на водата. Ова е особено корисно кај постарите модели кои немаат современа топлинска изолација.
Едно од најефикасните решенија за заштеда на пари е користење на тајмер. Овој уред овозможува бојлерот да работи само во одредени делови од денот, кога навистина ви е потребна топла вода. Така избегнувате непотребно загревање на водата во текот на денот и дополнително ги намалувате трошоците за струја.
Со примена на овие едноставни трикови, можете значително да ја намалите потрошувачката на електрична енергија и да заштедите на месечните сметки, без да морате да се откажете од удобноста на топла вода.
