Ова партнерство му овозможува на Httpool на Aleph да нуди решенија за огласување на Pinterest на својата мрежа на клиенти ширум Балканот. Httpool на Aleph ќе овозможи достапност и управување на огласувачи во земјите од регионите каде Pinterest се уште не сервира реклами. Огласувачите во овие земји сега ќе имаат можност да допрат до високо ангажираната публика на Pinterest на пазарите каде се сервираат реклами -публика која ја посетува оваа платформа со намера да открие идеи како да преземе некоја активност со помош на брендовите.
Httpool на Aleph нуди уникатна можност за поддршка на своите клиенти во достигањето успех на Pinterest. Преку ова партнерство, Httpool by Aleph ќе може да им понуди на своите клиенти можност за прв пат да се рекламираат на Pinterest. Повеќе од 460 милиони луѓе доаѓаат на Pinterest секој месец за да откријат производи и услуги за во нивниот гардеробер, за во новиот дом, за следниот одмор и многу повеќе. Огласувачите сакаат да бидат откриени во овие моменти на планирање и на природен начин да се синхронизираат со корисниците кои бараат брендови кои ги инспирираат за следното купување. На Pinterest, огласувачите можат да допрат до потрошувачите за кои се грижат и да ги водат низ процесот на откривање, одлучување и преземање акција – сѐ во едно позитивно онлајн опкружување.
„Pinterest е уникатна платформа, која ја покрива целата маркетинг инка и каде рекламите можат да бидат значајна содржина. Ние сме возбудени за нашето партнерство со Aleph и предностите кои тоа ќе ги донесе за корисниците на Pinterest”, вели Бил Воткинс од Пинтерест. „Pinterest ги поврзува огласувачите со потрошувачите кои сакаат да се отворат или се веќе отворени кон брендовите. Широкиот опсег на Aleph, кој покрива клиенти од различни региони ширум планетата, ќе помогне во донесување на нов ранг на огласувачи на платформата и ќе ни овозможи да сервираме релевантни реклами до корисниците кои бараат инспирација за да преземат акција.”
„Воодушевени сме за партнерството со Pinterest кое ќе ѝ помогне на нашата мрежа од 21.000 бизниси да дојдат до резултати и раст преку интеракција со публика која природно доаѓа на платформата за да купува,” вели Гастон Таратута, основач и извршен директор на Алеф. „Pinterest се разликува од останатите платформи бидејќи овде корисниците доаѓаат да пронајдат нешто што ќе направат или купат. Нашите клиенти сега имаат можност да искористат се, од креирање на свесност за брендот до купување, а ние му нудиме пристап на Pinterest до дел од најбрзорастечките економии на светот”.
„Особено нè радува партнерството со Pinterest”, вели Јане Бајалџиев, управител на Хттпул на Алеф во Македонија. „Ова претставува одлична можност за локалните огласувачи и брендови да стапат во контакт со публиката која доаѓа на платформата за да открие нови идеи за нивните проекти, сѐ со намера да купуваат производи и услуги”.
