Виктор Осимен синоќа беше блиску до преселба во Ал Ахли, прифати четиригодишна соработка со плата од околу 30-40 милиони евра, како и разумна откупна клаузула од 50-60 милиони евра, со која ќе може да се врати во Европа по две години.
Сепак зделката пропадна откако првиот човек на Наполи, Ааурелио Де Лаурентис се полакомил и се обидел да извади уште 5 милиони евра од Арапите.
Потоа се водеа преговори со Челси, но напаѓачот не успеа да најде заеднички јазик со „сините“.
Како што пренесува Скај Италија, клубот од Стемфорд Бриџ на Виктор Осимен му понудил плата од само 8 милиони евра по сезона.
И тоа само 4 милиони евра му биле загарантирани, останатите 4 милиони евра биле во форма на бонуси, односно 2 милиони евра за пласман во Лигата на шампиони, и 2 милиони евра за бројот на настапи и постигнати погодоци.
Виктор Осимен сметал дека предлогот е понижувачки, особено што Челси минатата сезона едвај се пласираше во квалификациите за Конференциска Лига.
Напаѓачот во моментов во Наполи има плата од 10 милиони евра по сезона, и тоа е минималната сума што ја бара за промена на средината.
