среда, 29 мај 2024
Претседателски избори 2024

Османи: Победивме во сите места и во Гостивар, Чаир, Тетово, во Струга…

Претседателскиот кандидат на коалицијата на ДУИ – Европски фронт, Бујар Османи вечерва објави голема победа над противкандидатот на Вреди, Aрбен Таравари. Тој наброја редица општини каде е извојувана победа, наведувајќи ги и Гостивар, каде Таравари е градоначалник, потоа Чаир, кое важи за центар на опозицијата, но и Струга, Тетово, Кичево… Европскиот фронт стана локомотива за европскиот пат на земјава, рече Османи.

Објавено на

часот

Сподели

Османи наброја каде има победа: „Во Гостивар, Чаир, Јегуновце, во  Арачиново, Врапчиште, Студеничани, Липково, Желино, во Гази Баба, Долнени, Пласница, Ресен, голема победа имаме во Струга, во Тетово, Чашка, Сарај, Битола, Чучер Сандево, Велес, Кичево, Крушево, Куманово, Центар, Сопиште, Маврово, Дебар, во сите места во земјава“.

„Победата е аманет за нас и сите барања на коалициските партнери ќе бидат вградени во програмата, ние волјата на граѓаните ќе ја почитуваме“, рече Османи.

Тој истакна дека коалицијата ги чека резултатите на ДИК, но додаде дека од статистиката на изборниот штаб може да се заклучи дека ошптеството е поделено по етничка основа, затоа што не секаде се гласало според политичката понуда.

„Сепак, смеам да кажам дека ние ја лансиравме пораката за заедништво кон европскиот пат. Ние покажавме и заедништво со помалите етнички заедници во рамки на фронтот. Волјата на Турците, Бошњаците, Ромите и на другите кои се дел од коалицијата Европски фронт преку нас ке биде спроведувана низ нашата политика, тие во нас ќе имаат цврста поткрепа“, рече Османи.

Тој му упати порака на противкандидот во рамки на албанскиот блок, на Арбен Таравари:

„Сакам да му кажам нешто и на противникот Арбен Таравари. Арбен, и покрај ниските удари, имавме фер кампања, достоинствено нека се прифати поразот, но и нашата победа. Волјата на народот е она што ги дефинира нашите кариери“.

ТОП ВЕСТИ

ПОСЛЕДНИ ВЕСТИ