сабота, 24 февруари 2024
Реакција

Општина Струга го осуди вандалскиот чин на украдената биста на Славко Јаневски

Објавено на

часот

Сподели

„Општина Струга остро реагира на овој злонамерен чин и ги повикуваме надлежните органи да преземат мерки за пронаоѓање на бистата, но и на сторителите на вандалското однесување. Воедно, апелираме и до стружани доколку имаат некаква информација да пријават во општината или во Полициската станица во Струга“, стои во реакцијата на Општина Струга.

Струга, како што е наведено, е мултиетнички, мултикултурен и мултирелигиски град, а кохезијата што владее меѓу сите граѓани, без разлики, е уникатен пример за тоа како граѓаните содејствуваат и живеат заедно, на високо ниво на толеранција и разбирање во многу сфери од секојдневниот живот.

„Затоа, најостро го осудуваме ова дејствие и ќе преземеме мерки за што поскоро решавање на овој проблем и нема да дозволиме да постанеме жртви на вакви провокации за уништување на меѓуетничките односи во Струга“, додадваат од Општината.

СВР Охрид соопшти дека вчера во 14 часот и 40 минути во ОВР Струга било пријавено дека во периодот од 12 април до 12 часот на 19 истиот месец, била одземена биста на Славко Јаневски. Полицијата презема мерки за расчистување на случајот.

Претходно Националната установа „Струшки вечери на поезијата“ информираше дека вчера при вообичаена проверка забележале дека ја нема бистата на македонскиот поет Јаневски, додека на Ацо Шопов и Сергеј Есенин биле расклатени во обид да се откорнат од постаментите. Институцијата го осуди чинот на вандализам и побара од полицијата пронаоѓање на сторителите, а до граѓаните апелираше да помогнат со информации во однос на сторителите и пронаоѓањето на бистата.

ТОП ВЕСТИ

ПОСЛЕДНИ ВЕСТИ