„Денеска поднесов барање до актуелниот министер Николовски и до Владата, да се направи корекција на уредбата за директни плаќања, односно сега стои ако реколтата надмине 15 илјади тони нема да имаат дополнителни 20 денари за килограм тутун, моето барање е субвенцијата од 80 да се поткрене до 100 денари“, изјави Трипуновски во Долнени, каде бил во работна посета, како што е наведено во соопштението.
Со укинување на ограничувањето сите тутунопроизводители би можеле да ја добијат оваа субвенција доколку се земе предвид тешката година која што ја имаа земјоделците, кажал Трипуновски.
„Со мојата активност во наредниве денови ќе се обидам максимално да го следам овој случај донеговото исполнување, односно до укинување на ова ограничување. Дали власта ќе се одважи, дали Николовски ќе се одважи, останува да видиме во наредните денови, јас од позиција технички министер ќе дадам се од себе за ова да успее“, изјави Трипуновски.