„Во 13:20 ч. добиена е дојава за настанат пожар на две возила „рено кангу“ и „БМВ“ на главниот влез пред фабриката Охис. Интевенирано е со едно противпожарно возило со тројца пожарникари. Интервенцијата е завршена во 14:10 ч. Пожарот првично е настанат кај возилото „рено“, на кое при движење му истекувало бензин од резервоар, што е причина за пожарот на второто возило“, изјави за МИА командирот на скопската бригада за противпожарна заштита, Звонко Томески.
Тој додаде дека од пожарот настаната е материјална штета на двете возила.
Во исто време денеска имало уште две интервенции на патнички возила. Како што информира командирот на ППБ, едното било на бул. Св Кирил и Методиј, каде било опожарено патничко моторно возило „матиз“, а другото патничко возило било на територијата на Општина Чаир.
Денеска имало интеревенција и на опожарена куќа во с. Буковиќ и на резервоари на бензиска пумпа во општина Бутел.
Интервенирале и на три опожарени контејнери за смет, сопственост на ЈП Комунална хигиена, како и повеќе интервенции на отворен простор од с. Мирковци, па сè до аеродромот кај Петровец каде исто е интервенирано на сува трева и грмушки.
