Опасен пестицид најден во зеленчук од Македонија

Во зеленчук во Македонија се најдени штетни хемикалии, известува европскиот состав за брзо предупредување во промет, пренесува даница.хр. Станува збор за мешана салата која во камион стасала на хрватската граница и била наменета за хрватскиот пазар. Но, испитувањата на примероците откриле штетен пестицид клорпирифос, па салатата е вратена во Македонија. Во примероците кои веднаш се анализирани откриено е 0,055 мг/кг клорпирифос во салатата. Дозволената доза на тој пестицид во храната според Европската Унија е нула.