четврток, 29 февруари 2024

ОМД: За реновирање на „Димитар Влахов“ во Љубојно ветуваа и Заев и Спасовски и Ковачевски, но…

Со ова наше денешно обраќање по повод 30 години од смртта на Блаже Конески, ја потсетуваме власта на бројните ветувања за реновирање на училиштето „Димитар Влахов“ во Љубојно, Преспа, соопштува Обединетата македонска дијаспора и додава дека објектот ќе стане непоправлив ако веднаш не се преземат напори за поправка и санација.

Објавено на

часот

Сподели

„Како што знаете, ова училиште е меѓународно признато дека е второ во земјава што го изучува македонскиот јазик во 1944 година, по она во Подвис, кое исто така има огромна потреба од поправка. 

Во изминатите неколку години многумина политичари доаѓаа во Љубојно со ветувања дека ќе го реновираат или обновуваат училиштето.  

Јуни 2020 – премиерот Оливер Спасовски и министерот за надворешни работи Никола Димитров учествуваа на трибина во Љубојно на која беше објавена иницијативата за формирање Центар за грижа и унапредување на македонскиот јазик.

 Декември 2020 – премиерот Зоран Заев, градоначалникот на Ресен, Живко Гошаревски и Мери Стојанова, директорка на НУ Завод и Музеј Битола, ја посетија локацијата за уште еднаш да зборуваат за проектот и соопштија дека се доделени над 130 милиони денари на тоа.

 Јануари 2023 – премиерот Димитар Ковачевски и министерката за култура Бисера Костадиновска Стојчевска допатуваа во Љубојно и повторно најавија дека овој локалитет ќе се реконструира и ревитализира во Центар за промоција на македонскиот јазик.

За ова се расправаше и на 119та седница на Собранието, на која беше известено дека Министерството за култура е ‘задолжено да ги преземе сите понатамошни дејства за адаптација на училиштето Димитар Влахов во Љубојно во Центар за промоција на македонскиот јазик’.

Ноември 2023 – министерката за култура Бисера Костадиновска-Стојчевска повтори дека Владата, Министерството за култура и Завод и музеј Битола ја презеле оваа иницијатива, истакнувајќи дека ‘за две буџетски години местото кое е темел на нашиот културен и национален идентитет ќе се реставрира’. Понатаму е соопштено дека Димитар Влахов ќе се реконструира и адаптира со буџет од 32,8 милиони долари во периодот од 2024 до 2025 година.

Ниту една политика или план за финансирање не е спроведен.

Оваа историска знаменитост има големо значење за Македонците ширум светот. Иако политичкиот интерес е повремен, сега мора да се преземат конкретни чекори за санација на зградата. Сметаме дека ова е непартиско прашање, зад кое сите Македонци треба да се обединат за да заштитат суштински дел од нивното културно наследство“, соопшти ОМД.

ТОП ВЕСТИ

ПОСЛЕДНИ ВЕСТИ