Во петокот, сенаторот Марфи ја заврши турнејата низ Балканот, вклучително и Македонија, како дел од неговиот брифинг како член на Комитетот за надворешни односи на Сенатот на САД. На социјалната мрежа Твитер сенаторот твитна три пати на иста тема, вклучително и видео порака дека дошол во Македонија на само четири часа за да пренесе една едноставна порака: Македонија треба да донесе уставен амандман кој ќе и овозможи да останат на патот за влез во ЕУ. По средбата со Димитар Ковачевски, премиерот на Македонија, сенаторот Марфи напиша на Твитер: Двајцата се согласуваме дека Македонија треба да ја донесе техничката промена на нејзиниот Устав неопходна за решавање на прашањата со Бугарија. Да ја внесеме Северна Македонија во ЕУ!
ОМД побара средба со сенаторот за да ја изрази својата загриженост за ваквите коментари.
„Ние сметаме дена не е потребна уставна промена за да се исполнат формалните критериуми за пристапување за влез во ЕУ, освен задоволувањето на прекумерните барања од другите влади за отстранување на нивните приговори, особено Бугарија и Грција. Реагираме затоа што сложените политички реалности се дестилираат во твит пораки на социјалните мрежи, игнорирајќи ги искуствата на Македонците кои постојано се убедуваат дека ако променат само уште една работа, ќе имаат неограничен пристап до ЕУ“, се вели во реакцијата на ОМД.
Арги Н. Белио, претседавач на бордот на ОМД изјави: „Добрите луѓе од Конектикат може да си ја чешаат главата ако почнам да твитам дека нивната држава треба да го смени името или да направи обид за независност. Истото важи и за доаѓањето на сенаторот Марфи во Македонија и излагањето за сложената одлука за иднината на Македонија во твит. Македонците треба да ја надминат навиката да се задоволат со кој било политичар кој доаѓа во Македонија верувајќи дека може да го реши секое прашање со твит од 280 знаци. Веќе е сосема нечувствително Македонија да го менува своето име со апсурдниот префикс-север за да ги убеди владите на Бугарија, Грција и Албанија да пристапат во ЕУ.
Има разлика помеѓу дискусијата за принципот за влез во ЕУ и пристапниот процес и тоа да се поврзе со апсурдните барања на странските влади кои се противат на постоењето на Македонија. Бугарија има проблематична историја која го негира етничкиот и јазичниот идентитет на Македонија и на светската сцена и во нејзината секојдневна политика.
Ниту една друга земја во светот немала толку често поместување на црвените линии како Македонија. Остануваме посветени на тоа Македонија да го заземе своето место во ЕУ, како што тоа го направи со НАТО, но не на сметка на продажбата на душата на иредентистичките барања на Бугарија.
Бараме средба со сенаторот за директно да му ги искажеме овие загрижености, со надеж преку дијалог да се разберат фактите, а не насловите, на болната политичка реалност за Македонците насекаде“.
На изјавата на Марфи жестоко реагираше и поранешниот министер во македонаката Влада Веле Самак нарекувајќи го фашист и организацијата Нов АСНОМ.
Leaving North Macedonia after a quick, productive visit. pic.twitter.com/tNiPX9EiDi
— Chris Murphy ? (@ChrisMurphyCT) May 26, 2023
