сабота, 20 април 2024

Официјално е започната истрага за импичмент на Бајден, и покрај недостатокот на докази

Претставничкиот дом на американскиот Конгрес синоќа гласаше за официјализирање на истрагата за импичмент на претседателот Џо Бајден, пренесува Ројтерс, иако републиканците сè уште не пронајдоа докази за погрешно постапување на демократот.

Објавено на

часот

Сподели

Во комората под контрола на републиканците за одобрување на истрагата гласаа 221 пратеник, против гласаа 212. Комората истражува дали Бајден имал корист од меѓународните зделки на својот 53-годишен син Хантер Бајден, неколку часа откако помладиот Бајден го одбил повикот да сведочи зад затворени врати.

Републиканците исто така тврдат дека Бајден и неговото семејство имале корист од одлуките во кои Бајден постариот учествувал додека бил потпретседател на САД, од 2009 до 2017 година.

Белата куќа ја отфрли истрагата како неоснована и политички мотивирана. Бајден се подготвува за можен реванш на изборите во 2024 година со својот републикански претходник, Доналд Трамп. Трамп е првиот претседател во историјата на САД кој двапати е отповикуван и моментално се подготвува за четири кривични судења.

Напорите речиси сигурно нема да успеат да го отстранат Бајден од функцијата, пишува Ројтерс. Дури и ако Претставничкиот дом гласа за импичмент на претседателот, Сенатот потоа ќе треба да гласа за да го осуди по обвиненијата со две третини гласови – речиси невозможно во домот каде што колегите на Бајден имаат мнозинство од 51 спрема 49.

ТОП ВЕСТИ

ПОСЛЕДНИ ВЕСТИ