За кратко се очекува и полетувањето на трите македонски ер-трактори, двата турски и хрватскиот канадер кои ќе се придружат во гаснењето на пожарот на Серта, позади селото Драгоево. Ќе се обидеме денеска овој голем пожар да го ставиме под контрола, рече Ангелов.
На терен се и голем број на противпожарни единици, 100 војници и 30 полицајци. За денеска најавено е и слетувањето на романскиот авион „херкулес“ кој ќе делува со водни бомби. Зедно со него ќе слета уште еден авион како логистика.
На територијата на Македонија има уште неколку сериозни поожари, во општините Чашка, Долнени, Студеничани, Зелениково, под Солунска Глава, кај Радовиш… Се очекува, во текот на денот, дел од леталата да бидат прераспределени во гаснењето на пожарите и во овие општини.
ЦУК информира дека утрово има 18 активни пожари врз кои противпожарно веќе се дејствува по земја и со воздухопловна поддршка од сите летала што се во моментот на располагање.
