понеделник, 15 април 2024

Обвинителството и ДКСК разговараа за следењето и санкционирањето на прекршителите на изборите

Претставници на Јавното обвинителство и на Државната комисија за спречување на корупцијата (ДКСК) одржале состанок на кој се разговарало за следењето на изборниот процес и санкционирањето на прекршителите на изборите.

Објавено на

часот

Сподели

Претседателот на Комисијата за следење на евентуални нерегуларности и кривични дела поврзани со изборите, јавниот обвинител Џељаљ Бајрами со претставници на Јавното обвинителство вчера одржале прв работен состанок со претставниците на Државната комисија за спречување на корупцијата (ДКСК) предводени од претседателката на Комисијата Татјана Димитровска.

„На средбата се дискутираше за подготовките на Јавното обвинителство и на ДКСК, согласно надлежностите на секоја од двете институции, за ефикасно постапување со цел гаранција на мирен и фер изборен процес, како и санкционирање на сите оние кои евентуално би се обиделе да го нарушат.

Јавниот обвинител Бајрами го појасни составот и начинот на функционирање на Комисијата формирана во Јавното обвинителство, динамиката на постапување по предметите поврзани со изборни нерегуларности и начинот на следење на предметите оформени по пристигнати известувања на посебната електронска адреса за пријавување: [email protected]

Претседателката на ДКСК Димитровска ги презентираше отпочнатите активности на Антикорупциската комисија во предизборниот период и воспоставената база на податоци за службени возила кои ги користат институциите како прва активност за следење на нивното користење во предизборието.

Јавното обвинителство и Државната комисија за спречување на корупцијата ќе одржуваат директна комуникација и непосредно ќе се координираат при постапувањето по сите пријави и претставки кои се однесуваат на евентуални изборни нерегулaрности“, се вели во заедничкото соопштение.

ТОП ВЕСТИ

ПОСЛЕДНИ ВЕСТИ