Како што соопшти денеска Јавното обвинителство, обвинетите на 17 октомври биле откриени дека во стан на улицата Саса 18 во Скопје заедно држеле поголемо количество на огнено оружје и муниција, вклучувајќи и оружје кое на граѓаните им е забрането.
„Полицијата кај нив пронашла една автоматска пушка со две рамки, еден револвер марка ‘Смит и весон 5’, еден пиштол марка ‘Сиг сјуер П 226’, еден пиштол марка ‘Берета’ , една ловна пушка марка ‘ТОЗ’ и 414 куршуми со различен калибар“, се наведува во соопштението на обвинителството.
Јавниот обвинител до Основниот кривичен суд Скопје доставил предлог за продолжување на претходно определената мерка притвор за двајцата обвинети.
