петок, 23 февруари 2024

Обвинение против маж кој удирал шлаканици и пукал од пиштол

Скопското обвинителство поднесе обвинение против скопјанец кој со вперен пиштол му удрил шлаканица на едно лице, а потоа пукал во воздух. Скопјанецот е во притвор, а обвинителството бара продолжување на оваа мерка.

Објавено на

часот

Сподели

„По спроведена истражна постапка, јавен обвинител од Основното јавно обвинителство Скопје поднесе обвинителен акт против 33-годишен скопјанец за кривични дела – неовластено изработување, држење, посредување и тргување со оружје и експлозивни материи од член 396 став 3 во врска со став 1, насилство од член 386 став 1, како и предизвикување општа опасност според член 288 став 1 од Кривичниот законик.

Обвинетиот во својот автомобил ауди неовластено држел огнено оружје пиштол марка аг-9 и две рамки со вкупно 30 куршуми. Пред зграда на улицата Џон Кенеди го вперил пиштолот кон три лица, удирајќи со шлаканица еден од оштетените. Потоа испукал еден куршум во воздух. Со тоа извршил грубо насилство и предизвикал значителна опасност за животот на оштетените, а во јавноста предизвикал чувство на несигурност, загрозување и страв.

Јавниот обвинител до Основниот кривичен суд Скопје достави и посебен предлог за продолжување на претходно определената мерка притвор за обвинетиот“.

ТОП ВЕСТИ

ПОСЛЕДНИ ВЕСТИ