Тој посочи дека нивните активности се во рамки на заедничката мисија на Парламентарното собрание на ОБСЕ ОДИХР и Советот на Европа.
„Тука сме во центарот на Скопје, вршиме набљудување на избирачко место во едно основно училиште. Исто така ќе вршиме набљудувања во целата држава, во рурални и урбани подрачја и сите наши забелешки и опсервации, ќе ги кажеме утре на прес-конференција во три часот“, најави Самхарадзе.
Карина Одебрик, шеф на мисијата на ПС на ОБСЕ, информираше дека имаат над 300 набљудувачи, а од Парламентарното Собрание 56 набљудувачи од 25 земји.
„Она што е важно при набљудувањето на изборите е дека ги собираме сите забелешки и опсервации и сите ги ставаме во една заедничка изјава“, појасни Одебрик.
