вторник, 5 март 2024

Обрасци за издавање на лични документи има, процесот продолжува и по 12 февруари, тврди министерот Спасовски

Министерот за внатрешни работи Оливер Спасовски денеска изјави дека има обрасци за патни исправи, откако омбудсманот Насер Зибери изјави дека граѓаните се жалат до Народниот правобранител дека МВР не го почитува законскиот рок за издавање на патни исправи и кажа дека МВР има недостиг на обрасци за патни исправи, како и за другите документи.

Објавено на

часот

Сподели

„Има обрасци за пасоши, една нова количина ќе стигне в понеделник, после една недела ќе стигне и втората количина, така што обрасци има и не треба воопшто да се грижиме дали ќе продолжи целиот процес“, рече Спасовски во одговор на новинарско прашање дали има обрасци за патни исправи по панелот на кој учествуваше, а во рамките на годишната конференција „Година на можности“.

Во однос на турканиците што се создаваат за вадење лични документи, а чиј рок е до 12 февруари годинава, Спасовски кажа дека на 12 февруари не престанува издавањето документи.

„Во 2021 година имаме изработено само 120.000 документи, а тоа говори дека сме си ги оставиле обврските за подоцна или да чекаме до последен ден. Ако погледнеме територијално, внатрешноста на државата, си ги има завршено работите скоро сто проценти. Тоа се случува за жал во Скопје, меѓутоа и тука имаме сериозен напредок, самата бројка на издадени над 1,25 милион патни исправи и над 1,1 милион лични карти и околу 550.000 возачки дозволи говори дека процесот се приведува кон крај. И најважно од сѐ е дека на 12 февруари не престанува издавањето документи, тие ќе можат и понатаму да се издаваат“, вели Спасовски.

ТОП ВЕСТИ

ПОСЛЕДНИ ВЕСТИ