сабота, 24 февруари 2024

Oбновен е патот од Битола до Меџитлија, си честитаа премиерот, министри и директори

На официјалното пуштање на патот, во присуство на премиерот Димитар Ковачевски, министрите за транспорт и врски Благој Бочварски, министерката за култура Бисера Костадиновска Стојчевска и директорот на Јавното претпријатие за државни патишта Ејуп Рустеми, беше истакнато дека патот од Битола до граничниот премин Меџитлија, кој е дел од Коридорот 10-Д, е обновен целосно и е многу значаен за целата држава, за граѓаните од овој регион и за пограничната економска соработка. За обвновување на железничка линија пак, од Битола до грчка граница се водат разговори.

Објавено на

часот

Сподели

Инвестицијата изнесува 3,6 милиони евра, а патот до грчката граница е во должина од 12,7 километри. За изградба на автопатот Битола – Прилеп пак, кажано е деак е почната постапката за пренасочување на сообраќајот на дел од постоечкиот пат. 

.Инвестиравме 3,6 милиони евра, со цел да го издигнеме на ниво на квалитетен и безбеден пат кој е функција на цел бизнис од Пелагонија, за граѓаните и за развој на туризмот“, рече министерот за транспорт Благој Бочварски. 

Тој потсети дека од инвестициите во Пелагонискиот регион во патната инфраструктура, почната е реализација на Договорот за изградбата на автопатската делница од Прилеп до Битола, како дел од пакетот нови автопатски делници на Коридор 8 и 10 – Д и.

сд

„Изведувачот веќе работи на постапките за пренасочување на сообраќајот на дел од постоечкиот пат. Тоа подразбра дека сегашниот пат во должина од 29 километри ќе биде пренасочен за сообраќај бидејќи изведувачот ќе работи на самиот коловоз на испитување и проширување на ниво на автопат, а за тоа време сообраќајот одвива на сега постоечкиот спореден пат“, рече Бочварски.

Дополнително се работи на сите административни постапки за експропријација, испитување на теренот, како и на пристапните патишта до самата траса и до одлагалиштата. 

Како особено важен патен правец за Пелагонија, како што рече, е и доизградбата на експресниот пат Градско – Дреново – Фариш, исто така како дел од Коридоро 10 д.

„Градежните работи се одвиваат со добра динамика со што во еден континуиран процес ќе ја заокружиме целата патна врска од главниот автопат на Коридор 10, до граничниот премин Меџитлија“, посочи министерот Бочварски.

Финансиите за обнова на патот Битола -ГП Меџитлија се обезбедени од Европската банка за обнова и развој, а работите ги изведе ГП Пелагонија. Патот се обновува првпат по 40 години, а како што најави директорот на ЈПДП Ејуп Рустеми, следната година треба да се обезбедат пари за изградба на експресен пат Битола Меџитлија за што проектите се веќе готови.

Што се однесува до обвновување на железничката пруга кон Лерин, која функционирала во минатиот век, министерот рече дека на средбата што ја имал минатата недела со грчкиот државен секретар за транспорт во Скопје од двете страни се потврдила политичка волја за повторно воспоставување на добра пракса и комуникација помеѓу двете држави.

„Од наша страна инфраструктурата е подготвена и останува на техничко ниво директорите на двете железнички претпријатија инфраструктура со свои работни групи да ја продолжат оваа комуникација и да ги утврдат сите натамошни процедури за да овој сообраќај повторно профункционира.  Директорите треба да договорат термини и рокови“, изјави Бочварски

ТОП ВЕСТИ

ПОСЛЕДНИ ВЕСТИ