„Палестинското раководство краткорочно и понатаму ќе се фокусира на хуманитарната помош вклучувајќи храна и вода, но фокусот евентуално ќе се пренасочи на обновата“, кажа тој.
Повеќето од 2,3 милиони жители на Газа мораа поради војната да ги напуштат своите домови, некои и повеќе пати. Опсадата на Израел во енклавата предизвика страшна хуманитарна криза и недостиг од храна, гориво и лекови.
„Ако војната во Газа продолжи, повеќе луѓе веројатно ќе умрат од глад отколку од борбите“, кажа Мустафа. „Првите чекори би требало да бидат доставување храна, лекови и струја“.
Во израелските напади на Појасот Газа од 7 октомври поголемиот дел од енклавата е разурнат, убиени се повеќе од 24.000 луѓе а повредени речиси 61.000, според палестинските здравствени власти.
