Слаб снег провејува на планинските превои Буково и Пресека, но во моментов не преставува пречка за одвивање на сообраќајот. Намалена видливост поради појава на магла од 70 до 80 метри има на патниот правец Делчево – Македонска Каменица, информира АМСМ.
Во Скопје променливо облачно со слаб ветер од променлив правец и услови за појава на краткотраен дожд.
И утре времето ќе биде променливо облачно, особено во западните и северните делови претпладне со локални врнежи од дожд, а на планините и во повисоките места од повремен слаб снег. Ќе дува слаб до умерен северен ветер кој вдолж Повардарието повремено ќе засилува.
Во Скопје променливо облачно со слаб до умерен ветер од променлив правец и со услови за појава на краткотраен дожд.
Дневните температури ќе се движат од 2 до 9 Целзиусови степени.
