58-годишниот Рајан Рут беше уапсен во неделата на северниот меѓудржавен автопат 95 откако полицајците го опколиле неговото возило, кажа шерифот на округот Мартин Вил Снајдер.
Американецот Рајан Весли Рут, кој беше уапсен поради безбедносниот инцидент на Флорида кој Федералното истражно биро (ФБИ) го истражува како обид за убиство на републиканскиот претседателски кандидат Доналд Трамп, денес пред федерален суд беше обвинет за незаконско поседување огнено оружје и поседување огнено оружје со избришан сериски број.
🚨BREAKING: Arrest Body cam footage of Trump’s attempted assassin Ryan Routh released pic.twitter.com/B7gucZA2m5
— Benny Johnson (@bennyjohnson) September 16, 2024
Рут беше уапсен во неделата набрзо откако избегал од агентите на Тајната служба кои отвориле оган врз него бидејќи вперил полуавтоматска пушка кон голф клубот на Трамп во Вест Палм Бич на Флорида, додека Трамп играл голф. Републиканскиот претседателски кандидат е неповреден и е на безбедно, соопшти полицијата.
Пукањето се случи два месеци откако Томас Метју Крукс изврши атентат на Трамп на митинг во Батлер, Пенсилванија на 13 јули, кога Трамп беше застрелан во увото.
