„Очигледно, ова не е исходот на кој се надевавме, со оглед на длабокото несогласување со републиканците за цела низа прашања“, напиша Обама во соопштението заедно со својата сопруга Мишел.
„Сепак, да се живее во демократија значи да се прифати дека нашите ставови нема секогаш да победуваат и да бидеме подготвени да прифатиме мирен трансфер на власта“, додаде тој.
Според него, САД во последните години поминале низ многу, од пандемијата до инфлацијата.
„Меѓутоа, напредокот бара од нас да подадеме рака со добра волја дури и на луѓето со кои длабоко не се согласуваме. Затоа стасавме волку далеку и затоа ќе продолжиме да градиме земја која е поправедна, порамноправна и послободна“, рече Обама.
Во последната фаза од кампањата, Обама силно ја поддржа Камала Харис и го критикуваше Доналд Трамп.
