среда, 21 февруари 2024

О2-иницијатива апелира Уставниот суд да го преразгледа планот за згради на локација во Карпош

О2-иницијатива апелира до уставните судии да го преразгледаат предметот за изградба на згради помеѓу булеварите Илинден, 8 Септемри, Партизански одреди и улицата Љубљанска во Општина Карпош, Скопје, каде се планира комплекс згради со вкупно 50 ката и над 400 станови. „Кој сѐ има профит од зградите позади бензиската пумпа на Макпетрол во Карпош?“, го поставува прашањето О2 – иницијативата.

Објавено на

часот

Сподели

Во апелот до уставните судии кои гласале против поведување на постапка по предметот У.бр.52/2022 за оспорување на Одлука за донесување на ДУП за Градска четврт 3 05 на веќе спомнатата локација во Карпоп, се бара дополнително да го разгледаат случајот и да поднесат друго мислење во најбрз можен рок, за предметот повторно да се стави на гласање. Од иницијативата предупредуваат дека со реализација на овој урбанистички план ќе настанат тешки неотстранливи последици.  

д

„Уставниот судија известител по овој предмет, Дарко Костадиновски, е против поведување на постапка по овој предмет, иако основата за оспорување на Одлуката за донесување на ДУП за Градска четврт 3 05 е како и во бројните предмети на кои досега работел Уставниот суд, повел постапки по истите и ги укинал оспорените детални урбанистички планови, каде и самиот судија известител гласал за вакви одлуки на Судот. Вакви предмети се У.бр.95/2017-1 од 20.6.2018, У.бр.134/2017-1 од 9.7.2018, У.бр.136/2017-1 од 9.7.2018, У.бр.135/2017-1 од 05.12.2018, У.бр.123/2018-1 од 25.9.2019, У.бр.80/2019-1 од 13.11.2019, У.бр.34/2021-1 од 9.9.2021, У.бр.35/2021-1 од 2.2.2022 и У.бр.36/2021-1 од 9.2.2022.

д

Инаку, врз основа на овој ДУП, кој е изгласан во ноември 2013 год. од советниците на ГРОМ и ВМРО-ДПМНЕ со коалицијата во тогашниот мандат на Стевчо Јакимовски во општина Карпош, каде е вцртана маркичка за 28 катница, се планира изградба на споени згради од 2, 11, 18 и 19 ката, вкупно 50 ката со 419 стана. Инвеститори се ЗСФ КОМ на еден од најмоќните градежници во земјава, озлогласениот Фатмир Етеми и Делта 2015 Констракшн, која до лани беше во сопственост на Орка Холдинг на семејството на Орце Камчев, кога се продава за 5 милиони евра и недвижен имот во вредност од 8 милиони евра од новата градба, што претставува 25 отсто од објектот, на Специјал Градба во сопственост на бизнисменот Кочо Стојчески.

Во меѓувреме Уставниот суд го укина регулацискиот план за оваа четврт, со кој беше ограничена висината на градбите. Подносител на иницијативата е адвокатот Бојан Милошевски, поранешен секретар на општина Карпош во изминатиот мандат на Стевчо Јакимовски, кој во овој мандат бил ангажиран за адвокатски услуги од општина Карпош“, се вели во апелот.

ТОП ВЕСТИ

ПОСЛЕДНИ ВЕСТИ