сабота, 20 април 2024

О2 иницијатива за случајот со 17-катницата кај Воена болница: Пратениците се на потег

„Токму пред избори, ќе видиме кој кого брани и кој е на страна на правдата, а кој ги брани приватните интереси на моќниците. На потег се пратениците. Поради сериозни злоупотреби и сериозна штета која секојдневно се акумулира со изградбата на комплексот на згради, т.н. 17 – катница, во заштитеното подрачје на привремено заштитеното добро Споменик Воена болница-Скопје, поднесовме предлог измени на Законот за заштита на културното наследство до сите пратеници“, соопштија од О2 иницијативата .

Објавено на

часот

Сподели

„Предложените измени ги регулираат недореченостите во законот, правните празнини, непредвидените ситуации на поништени одобренија и конзерваторски мислења и ја разрешуваат колизијата помеѓу различни членови на законот.
НУ Конзерваторски центар-Скопје на 21.02.2024 го поништи незаконски издаденото позитивно конзерваторско мислење од 08.11.2023, услов за издавање на одобрението за градење за т.н.17 – катница кај Воена болница-Скопје.
Градоначалникот на општина Карпош Стевчо Јакимовски, со историја на претходни кривични обвиненија, кој воедно е и кандидат за претседател на РСМ и надлежните во општината не постапуваат по службена должност и не го поништуваат одобрението за градење издадено на ЗСФ-КОМ (Фатмир Етеми) и Делта 2015 Констракшн (Орце Камчев).
Градоначалникот претходно бурно реагираше дека не може да има негативно конзерваторско мислење за овие згради, за потоа да се издаде незаконското позитивно мислење, потпишано од бившиот директор на НУ Конзерваторски центар-Скопје и актуелен член на Комисијата за урбанизам во општина Карпош, Константин Димитровски, кој до скоро беше во притвор како соучесник во злосторничко здружение поради уништување на културно наследство, хотелот Шар Ан во Стара чаршија.
Незаконското позитивно мислење го поништи новата в.д. директорка на НУ Конзерваторски центар-Скопје, на барање и изготвени наоди од Министерството за култура, по наши претставки.
Моќниците ни владеат со државава, дали пратениците ќе ги заштитат со неносење на предложените законски измени или ќе го заштитат јавниот интерес и културното наследство и ќе ги донесат овие измени, ќе видиме до крајот на месецов кога им завршува нивниот мандат.
ТОП ВЕСТИ

ПОСЛЕДНИ ВЕСТИ