Според интернет страницата за квалитет на воздухот IQair, Скопје се наоѓа на 33-тото место во светот според лош квалитет на воздухот.
Воздухот во Њујорк е загрижувачки опасен, пишува на интернет страницата, а речиси во чекор, а од истите причини, поради големите шумски пожари, најголемиот американски град е следен од Детроит, на третото место. Помеѓу нив е Дака, главниот град на Бангладеш, кој постојано е во врвот на оваа неславна листа. Изненадувачки, веднаш тука е и Тел Авив, што се должи на ветер кој носи ситна пустинска песок.
Што се однесува до Скопје, главниот виновник за релативно лошите податоци за воздухот, се најштетните ПМ 2,5 честички, кои се така мали што лесно, и низ медицинска маска, можат да навлезат во дишните органи. Инаку другите параметри се во рамките на ниски вредности. Во Скопје сепак, во однос на зимата, сега се дише далеку подобар воздух, зашто често врне и често дува.
А тоа е уште еден доказ дека Скопје најмногу зависи од временските услови и дека мора да се вложат големи напори во заштита на животната средина.
П.Џ.
