недела, 26 мај 2024

Новата полска влада сака да го легализира абортусот, денес расправа во парламентот

Полскиот парламент попладнево треба да расправа за либерализација на законот за абортус, еден од најстрогите во Европската унија.

Фото: ЕПА

Објавено на

часот

Сподели

За време на својата изборна кампања, премиерот Доналд Туск вети дека ќе ги зајакне правата на жените и ќе го олесни пристапот до абортус. Сепак, во централно-левичарската коалиција на Туск има несогласување околу степенот до кој законот за абортус треба да се либерализира.

Во 2020 година, Уставниот суд дополнително го заостри полскиот строг закон за абортус под тогашната влада на конзервативната националистичка партија Право и правда (ПиС). Оттогаш, абортусот е дозволен само по силување или инцест или ако животот на трудницата е во опасност, но не и во случај на сериозни абнормалности на плодот.

Трите коалициски партнери кои ја сочинуваат владата на Туск сега поднесоа вкупно четири нацрт-закони до парламентот. Нацртот на Граѓанската коалиција на десниот центар на Туск предвидува легализација на абортусот до 12-та недела од бременоста. Во својот амандман за ова се залага и левичарскиот сојуз Левица. Во случај либерализацијата да не успее, Левица во понатамошен потег сака да постигне барем ослободување од казна.

Христијанската конзервативна партија Трет пат предлага враќање на т.н компромисно решение кое беше во сила до пресудата на Уставниот суд. Ова би значело дека абортусот во Полска би бил легален само откако ќе се изврши кривично дело или ако постои ризик за бремената жена или фетусот.

ТОП ВЕСТИ

ПОСЛЕДНИ ВЕСТИ