Тој тврди дека Путин побарал од Трамп да не кажува никому за тоа бидејќи луѓето ќе се налутат, но Трамп наводно одговорил дека не му е грижа дали некој ќе дознае. Вудворд додава дека Трамп на крајот се согласил да не кажува никому. Претходните извештаи велат дека администрацијата на Трамп испратила респиратори и друга медицинска опрема во неколку земји, вклучително и Русија.
Дополнително, Вудворд наведува дека Трамп и Путин имале дури седум приватни телефонски разговори откако поранешниот американски претседател ја напушти Белата куќа. Тој ја споменува приказната за помошникот од кого било побарано да ја напушти канцеларијата на Трамп во неговото одморалиште Мар-а-Лаго на Флорида за Трамп да може да го повика Путин.
Тој нагласува дека овој помошник потврдил дека имало повеќе повици меѓу Трамп и Путин. Во книгата нема детали за што се разговарало за време на тие повици. Директорот за комуникации на Трамп, Стивен Чеунг, ги негираше тврдењата од книгата: „Ниту една од овие измислени приказни на Боб Вудворд не е вистинита и се дело на навистина дементен и полуден човек“.
За информациите од новата книга беше прашан и потпретседателот на Трамп, Џеј Ди Венс. „Искрено, не знаев дека Боб Вудворд е сè уште жив додека не ми го поставивте прашањето… Видете, дали има нешто лошо во разговор со светски лидери? Не. Дали има нешто лошо во ангажирање во дипломатијата?“, праша Венс.
