Специјализираниот брод за нуркање и снимање на океанот „Манавануи“ наиде на проблеми додека истражуваше гребен во близина на островот Уполу во саботата навечер по локално време и подоцна се запали пред да се преврти.
Сите 75 лица од бродот се безбедно евакуирани во чамци за спасување и спасени рано денеска, соопшти Министерството за одбрана на Нов Зеланд.
Официјални лица рекоа дека причината за потонувањето е непозната и дека истрагата е во тек. Инцидентот се случил за време на бурно и ветровито време.
HMNZS Manawanui, a $100 million multi-purpose vessel of the Royal New Zealand Navy, recently ran aground off the coast of Samoa while conducting a reef survey. The ship caught fire and sank, but all 75 crew and passengers were rescued safely in lifeboats.
The village was aground,… pic.twitter.com/mv38USM8hu— Western @ netLIKEtheSKY 🇺🇸💫🐍🔥🌞✈️✈️✈️✈️✈️✈️ (@Skyrocket9994) October 6, 2024
Воени претставници рекоа дека спасувачите „се бореа“ со струите и ветровите што ги туркаа сплавовите за спасување и морските чамци кон гребените, а брановите ги правеа напорите за спасување „предизвикувачки“.
Дејв Пул, беше сведок на пожарот на бродот, изјави за Ројтерс: „Кога влеговме во заливот го видовме бродот и немаше чад. За 15 минути, оган и чад беа видливи. Набрзо потона“.
„Манавануи“ е првиот од поморските бродови на Нов Зеланд кој ненамерно е потопен откако земјата учествуваше во поморските битки за време на Втората светска војна.
Воени претставници рекоа дека нивните напори сега се свртени кон обидот да го спасат бродот и да го минимизираат влијанието од потонувањето врз животната средина.
