Министерството за здравство во Газа рано утринава соопшти дека загинале 92 лица, меѓу кои и раселени Палестинци кои се засолниле во градинка во Рафа, во јужниот дел на Појасот.
Загриженоста за потенцијален израелски копнен упад во градот на границата со Египет расте во последните денови, каде стотици илјади раселени луѓе избегаа таму од конфликтот и живеат во импровизирани засолништа и шатори.
Многумина дојдоа во Рафа затоа што им беше кажано дека е безбедна зона, но градот беше нападнат, десетици се собраа пред локалната болница во саботата за да се молат за загинатите по уште еден бомбашки напад.
Според ОН, во градот во кој живееле 200.000 жители, сега живеат повеќе од половина од населението во Газа.
