Тие потсетуваат на ситуацијата во 2015 година, кога 5.000 руски баратели на азил пристигнале пеш и со велосипеди преку Сторски, еден од граничните премини меѓу Норвешка и Русија.
Норвешката министерка за правда Емили Енгер Мел рече дека изградбата на ограда може да биде еден начин за подобрување на безбедносната ситуација.
Агенцијата НРК известува дека Мел е инспирирана од примерот на Финска, која продолжува да гради ограда на границата со Русија. Таа нагласи дека тоа е скап процес, па затоа е неопходно да се процени релевантноста на ваквите инвестиции.
Конкретно, министерката за правда смета дека е можно да се инвестира во набавка на дронови за патролирање на територијата, како и во зголемување на бројот на граничари во Сторски.
НРК додаде дека не е јасно дали оградата ќе биде изградена долж целата норвешко-руска граница или само на посебен дел од неа. Копнената граница меѓу Норвешка и Русија е долга 200 километри.
Минатата година Норвешка постојано изјавуваше дека е подготвена да го затвори единствениот контролен пункт на границата со Русија доколку е потребно.
Неодамна беше објавено дека Норвешка поради можни закани воведува зголемени безбедносни мерки на границата во источниот округ Финмарк, каде што дели граница со Русија.
