Ова е трета титула по ред, а петта на последните шест првенства, со вкупно десет титули тие се најдобрата репрезентација во историјата на Европските првенства.
Првото полувреме помина во изедначен ракомет, Данска неколкупати имаше предност и од два гола, но во финишот Норвешка го сврте резултатот и на одморот замина со еден позитива, беше 13-12.
Брзо во вториот дел Норвешка почна да се одлепува, имаше предност и од девет разлика, на крајот победи со убедливи 31-23.
Во составот на Норвешка, Реистад со осум голови беше најефикасна, Ховден постигна шест гола. Кај Данска Хојлунд и Хансен постигнаа по пет погодоци.
Во мечот за третото место Унгарија со 25-24 ја совлада Франција.
