Американскиот весник нагласува дека претседателот на Украина Володимир Зеленски во соопштението не откри колку Ф-16 ѝ биле испорачани на Украина и не прецизирал дали тие веќе извршиле борбени мисии во Украина.
Американски официјален претставник под услов да остане анонимен откри дека шест пилоти вршеле пробни летови на исто толку авиони во неспорниот украински воздушен простор. Официјалниот претставник додаде дека украинските пилоти се вежбале на мали операции и не учествувале во борбени акции против Русите.
Наводно, експертите веруваат дека недостатокот на обучени пилоти и ограничената количина на авиони ќе го ограничи нивното директно влијание на бојното поле.
Американските власти наведуваат дека околу 20 украински пилоти се очекува да управуваат со авионите во 2024 година.
„Тоа ќе ѝ овозможи на Украина да распореди само 10 Ф-16 во борба, имајќи предвид дека за секој авион се потребни најмалку двајца пилоти“, нагласува Њујорк Тајмс.
