Според последните податоци, официјалната бројка на загинати е 11, но префектот на островот, Франсоа-Ксавие Биевил, за локалните медиуми изјави дека „сигурно стотици луѓе се мртви“. Тој додаде дека е можно да загинале „неколку илјади луѓе“.
#Chido 🌪️ Soutien aux Mahorais et à nos camarades mobilisés à #Mayotte. Des renforts de gendarmes seront déployés sur place pour appuyer les équipes engagées. pic.twitter.com/iiDAjcgprU
— Gendarmerie nationale (@Gendarmerie) December 15, 2024
Француското Министерство за внатрешни работи соопшти дека „ќе биде тешко да се даде точен број на жртви“, особено во оваа фаза. „Ќе биде комплицирано бидејќи Мајот е муслиманска земја во која мртвите се погребуваат во рок од 24 часа“, изјави претходно претставник на француското Министерство за внатрешни работи.
🧵 I wonder if the catastrophic situation in Mayotte will get more attention than drones that aren’t drones. Where’s the hysteria about this. Where’s MSM 🤬
Cyclone Chido has devastated Mayotte, a small island in the Indian ocean with gusts of at least 226 kilometres per hour… pic.twitter.com/Mk65WPGCte
— Volcaholic 🌋 (@volcaholic1) December 15, 2024
Островот е дом на 320.000 жители, вклучително и повеќе од 100.000 мигранти без документи, додаде министерството. Сместено на речиси 8.000 километри од Париз и четири дена патување по море, Мајот е значително посиромашна од остатокот на Франција и со децении се бори со насилство од банди и социјални немири. Околу 77 отсто од луѓето во Мајот живеат под француската граница на сиромаштија.
Францускиот претседател Емануел Макрон изјави дека Франција „ќе биде со жителите на Мајот“ и дека испратила 250 спасувачи на островот. Министерот за внатрешни работи Бруно Ретало рече дека „сите импровизирани домови се целосно уништени“ и изрази страв од „тешки загуби“.
#Chido 🌪️ Protection des populations, sécurisation des axes, aux côtés des autres services de l’État, la gendarmerie est pleinement mobilisée après les lourdes intempéries. pic.twitter.com/lSJlw13pcS
— Gendarmerie nationale (@Gendarmerie) December 14, 2024
Амбдилвахеду Сумаила, градоначалникот на главниот град на Мајот, Мамуџу, рече дека се погодени болници, училишта, куќи и дека сè е уништено.
Локалниот жител Ибрахим изјави за АФП за „апокалиптични сцени“ додека се пробивал низ главниот остров, принуден да ги отстранува пречките од блокираните патишта.
