„Додека Израел се бори против варварските сили предводени од Иран, сите цивилизирани земји треба цврсто да застанат на страната на Израел. Сепак, претседателот Макрон и други западни лидери сега повикуваат на ембарго за оружје против Израел. Срам да им е“, рече Нетанјаху, а пренесе Тајмс оф Израел.
Нетанјаху вети дека Израел ќе победи „со или без поддршка“.
„Но, нивниот срам ќе продолжи долго по победата во војната“, истакна Нетанјаху.
Тој рече дека Израел ја брани цивилизацијата од оние кои сакаат на сите да им наметнат „мрачно доба на фанатизмот“.
„Бидете уверени, Израел ќе се бори се додека битката не се добие – за наше добро и за доброто на мирот и безбедноста во светот“, нагласи Нетанјаху.