„Категорично ги отфрлам условите на Хамас“, кои бараат „крај на војната, повлекување на нашите сили од Газа“ и „ослободување на сите убијци и силувачи“, рече Нетанјаху.
Министерството за здравство во Појасот Газа, под контрола на Хамас, денеска соопшти дека од почетокот на војната против Израел на 7 октомври, на палестинска територија се убиени 25.105 лица, главно жени, деца и малолетници.
Во изминатите 24 часа загинале 178 Палестинци, а вкупниот број на ранетите достигна 62.681.
Околу 1.200 луѓе, главно цивили, беа убиени во Израел на првиот ден од војната и беа земени околу 240 заложници, од кои се верува дека 132 сè уште се држат во Газа.
Во израелските воени операции во Газа загинале 195 војници.
