„На врвот на војната, повеќе од кога е потребна доверба меѓу премиерот и неговиот министер за одбрана, но во последните месеци таа доверба ослаби“, вели Нетанјаху во писмото до Галант, додавајќи дека „одлучил да го именува Израел Кац за негов наследник“. Јоав Галант на социјалната мрежа Икс одговори дека „безбедноста на Израел била и ќе остане неговата животна мисија“.
Галант во јули повика на отворање државна истрага за пропустите во врска со упадот на Хамас на 7 октомври 2023, кажувајќи дека треба да се истражат и тој самиот и неговиот шеф, премиерот Бенјамин Нетанјаху. Министерот тоа го искоментира на доделување дипломи на нови офицери, на кое присуствуваше и Нетанјаху, чија коалиција е разнишана од внатрешни судири.
Нетанјаху претходно ги отфрли повиците да се спроведе државна истрага за упадот од 7 октомври по кој почна израелската офанзива на Газа, оценувајќи дека истрага треба да се спроведе откако ќе заврши војната. Само владата може да одлучи за формирање државна истражна комисија.
