Денеска Израел, на помалку од еден час пред да стапи на сила договорот за прекин на огнот со Хамас, предупреди дека примирјето нема да започне додека палестинското исламистичко движење не го предаде списокот на заложници кои требаше да бидат ослободени подоцна во текот на денот.
„Премиерот ѝ дал инструкции на израелската војска дека прекинот на огнот нема да започне додека Израел не добие список на заложници за ослободување, како што се обврза да го стори Хамас“, се вели во соопштението од кабинетот на Бенјамин Нетанјаху.
Хамас во соопштението наведе дека има намера да се придржува до договорот, но го призна одложувањето на „давањето на имињата на заложниците за да бидат ослободени“ поради „технички причини на теренот“.
Прекинот на огнот со посредство на Катар со помош на САД и Египет требаше да стапи на сила во 7 часот и 30 минути.
Договорот предвидуваше ослободување на дел од израелските заложници држени во Газа.
