Сѐ уште е активен пожарот на територијата на Општина Македонкски Брод, кај селата Тажево и Брезница, крак кон Јасен. Таму гори борова шума, а на терен се пожарникарите од Унгарија, војниците на АРМ и пожарникарите од околните општини.
Во Демир Хисар гори Илинска Планина, кај селата Витово, Базерник, Мали Илино и Брежани. Тука се делува од воздух со три хеликоптери и од земја со противпожарните единици на општината.
Во Македонски Брод гори и кај селото Слатина.
На Галичица гори нискостеблеста вегетација. Во Општина Чашка попладнево изби нов пожар кај селата Папрадиште и Ореше.
Ниска вегетација гори кај селото Градманци, Општина Петровец.
Мешана ниска и висока вегетација гори кај селото Драчевица, Општина Студеничани. Во оваа општина гори и кај селата Долно и Горно Количани.
Во Чучер Сандево има пожар кај селото Средно Блаце, а во селото Негорци, Гевгелија, гори нискостеблеста шума. Стрништа горат кај селото Подареш, Радовиш. Дабова и букова шума горат во Липково и Кочани.
Под контрола се пожарите во Дојран и Богданци кај селото Фурка, во Пласница и депонијата кај Делчево.
