Минатата недела, судот го прифати барањето на Дани Алвеш на слобода да ја чека правосилноста на затворската казна, и му одреди кауција од еден милион евра.
Бразилецот во прв момент имаше потешкотии да ја собере оваа сума, но синоќа беше доставена гаранција, па поранешниот фудбалер на Барселона излезе од затвор.
Имаше многу прашалници за тоа како Дани Алвеш успеал да собере еден милион евра со оглед на тоа дека имотот му е замрзнат а и Нејмар одби да помогне, но последните информации велат дека помогнале пријатели, помеѓу кои и еден фудбалер на Атлетико Мадрид.
Станува збор за Мемфис Депај, двајцата се сретнале во втората етапа на Бразилецот на „Камп Ноу“ и станале добри пријатели.
Холанѓанецот пред неколку дена говореше на слична тема и рече: „Никогаш нема да им свртам грб на пријателите и семејството. Тоа не значи дека се сложувам со нивните постапки, едноставно секогаш ќе бидам тука за нив“.
