Тој посебно ја истакна „директната закана за територијалниот интегритет на Сирија поради нелегитимните дејства на Израел“, кој, како што рече тој, спроведува политика на свршен чин на окупираната Голанска висорамнина.
Небензја наведе дека постапките на Израел претставуваат најгрубо кршење на меѓународните правни одлуки, вклучително и многубројните одлуки на Советот за безбедност и на Генералното собрание.
„Апелираме до колегите од СБ, како и до претставниците на Секретаријатот на светската организација, чесно да ја оценат тековната ситуација“, порача Небензја.
Рускиот дипломат исто така истакна дека е потребна „надворешна поддршка“ по промената на власта и дека без неа Сиријците нема да можат да го преживеат транзицискиот период.
„Новата власт има долг пат да ја исправи жалната социоекономска ситуација и да воспостави ефикасно функционирање на државните органи. И во тоа секако им е потребна помош од меѓународната заедница. Токму на тоа, според нашето мислење, Советот за безбедност на ОН треба да ги насочи своите напори. Без надворешна поддршка заснована врз принципите на хуманоста и непристрасноста, Сиријците едноставно не можат да ги издржат предизвиците со кои се соочуваат“, рече Небензја за време на состанокот на Советот за безбедност на ОН.
