Навалнаја во видеото на Јутјуб рече дека црпи надеж од големиот број луѓе кои минатата недела се појавија на погребот на нејзиниот сопруг, кој почина во арктичкиот затвор на 16 февруари. Неговиот гроб оттогаш е покриен со море од цвеќиња.
Таа ги повика Русите да се приклучат на протестот на 17 март што Навални, најистакнатата руска опозициска личност, го повика непосредно пред својата смрт. „Мора да го искористиме денот на изборите за да покажеме дека постоиме и дека нè има многу. Ние сме вистински, живи луѓе и сме против Путин. Мора да пристигнете на гласачкото место тој ден во исто време, на 17 март напладне“, рече таа.
Нејзиниот сопруг имаше идеја дека демонстрантите на тој начин ќе избегнат ризик од апсење.
„Што да направите следно? Изборот е ваш. Можете да гласате за кој било кандидат освен Путин. Можете да го уништите гласачкото ливче, да напишете „Навални“ на него со големи букви. Дури и ако воопшто не ја гледате смислата на гласањето, само дојдете и застанете покрај гласачкото место и потоа заминете си дома“.
17 марта. Полдень. За Навального. pic.twitter.com/9fxFxt0NOY
— Yulia Navalnaya (@yulia_navalnaya) March 6, 2024
По смртта на сопругот, Навалнаја најави дека ќе ја продолжи неговата борба. Таа се појави на низа политички настани на Запад, вклучително и Минхенската безбедносна конференција и Европскиот парламент, а се сретна и со американскиот претседател Џо Бајден. Кремљ ги отфрла тврдењата на Навалнаја дека Путин го убил нејзиниот сопруг и одби да го коментира одговорот на јавноста на неговата смрт и погреб.
