Седата коса е проблем што им станува многу близок на многу луѓе по средината на 30-тите години. Но, деновите кога требаше да посегнете по боја за да ја отстраните седата коса, можеби конечно ќе станат минато.
Научниците од Универзитетот Нагоја во Јапонија открија едноставен начин за спречување на седата коса.
Истражувачите откриле дека антиоксидантот лутеолин се чини дека го запира процесот на побелување кај глувците. И додека допрва треба да се тестира на луѓе, научниците веруваат дека може да има сличен ефект.
Најдобро од сè е што овој антиоксидант може да се најде во неколку вообичаени зеленчуци, вклучувајќи целер, брокула, моркови, кромид и пиперки.
„Ова беше изненадувачки резултат“, рече професорот Масаши Като, главен автор на студијата, и додаде дека „ова откритие укажува дека лутеолинот може да има уникатен медицински ефект кој го спречува побелувањето“.
Според ВебМД, припадниците на белата раса почнуваат да белеат во средината на 30-тите, Азијците во доцните 30-ти, а припадниците на црната раса во средината на 40-тите години.
До 50-годишна возраст, половина од сите луѓе имаат значително количество седа коса. Фоликулите на косата содржат пигментни клетки кои произведуваат меланин – соединение кое ѝ дава боја на косата.
Како што старееме, овие клетки почнуваат да умираат, а без пигмент, новите влакна на косата стануваат сиви. Додека луѓето сѐ повеќе прифаќаат „сребрена“ коса, многумина сепак одлучуваат да ја прикријат седата коса со боја за коса.
