недела, 3 март 2024

Нападната база во Ирак, убиени пет турски војници. Анкара се заканува со одмазда

Пет турски војници се убиени во напад на воена база во полуавтономниот курдски регион на северот на Ирак, соопшти турското министерство за одбрана. Властите ги обвинија курдските милитантни. Министерството на социјалните мрежи објави дека уште осум војници се ранети, од кои тројца тешко, кога напаѓачите се обиделе да влезат во базата.

ЕПА

Објавено на

часот

Сподели

Турците тврдат дека 12 милитанти се „неутрализирани“ и дека операциите продолжуваат во тоа подрачје. Ранетите турски војници се хоспитализирани. Министерот за надворешни работи Хакан Фидан им изрази сочувство на загинатите војници. „Ќе се бориме до крајот против терористичката организација ПКК во и надвор од нашите граници“, порача тој, мислејќи на Курдите поврзани со Работничката партија на Курдистан.

Сличен инцидент се случи пред три недели во северен Ирак кога загинаа 12 турски војници. Милитантни поврзани со ПКК се обидоа да влезат во турска база во северен Ирак на 22 декември, според турските власти. Во престрелката која следела загинале шест војници. Утредента во судирите со курдските милитантни загинале уште шест турски војници.

Турција одговори со напади на цели за кои властите тврдат дека се поврзани со ПКК во Ирак и Сирија. Министерот за одбрана Јашар Ѓулер објави дека десетици курдски милитанти се убиени во воздушни и копнени напади. Не е познати дали новиот напад се случил во истата база како пред три недели.

ПКК, кој има бази во северен Ирак, со децении го предводи бунтот во Турција и Западот, вклучувајќи ги САД, ги смета за терористичка организација. Десетици луѓе загинаа од почетокот на судирите во 1984 година. Турција и САД, меѓутоа, не се сложуваат околу статусот на сириските Курди, кои со американските сили се борат против остатоците на Исламска држава во Сирија.

ТОП ВЕСТИ

ПОСЛЕДНИ ВЕСТИ