Мажот бил вооружен со нож, а кога тргнал кон полицајците, тие го застрелале, се вели во извештаите.
Градоначалникот на Руан Николас Мајер-Росињаол изјави дека нападот на синагогата не ја погодува само еврејската заедница, туку дека целиот град е во шок.
Според локалните извештаи, полицијата била повикана околу 6:45 часот откако бил забележан чад како се крева од синагогата.
Кога полицијата пристигнала на местото на настанот, еден од полицајците го застрелал мажот кој бил вооружен со нож и железна шипка.
Bravo aux courageux policiers de Rouen qui ont neutralisé un individu qui se jetait sur eux avec un couteau et une barre de fer.
Visiblement, l’individu voulait brûler la synagogue.
Voilà le résultat de la haine du juif en 🇫🇷.
Exemple que porter un couteau doit rester un délit! pic.twitter.com/CvD0fsRK38— Matthieu Valet (@mvalet_officiel) May 17, 2024
Градоначалникот рече дека пожарникарите се на терен и го контролираат пожарот за да не избие посериозен пожар во синагогата. Освен вооружениот напаѓач, се чини дека нема други мртви или повредени, додаде тој.
Министерот за внатрешни работи Џералд Дарманин ја пофали полицијата „за нивната реакција и храброст“.
Франција, како и остатокот од Западна Европа, забележа пораст на антисемитизмот откако Хамас го нападна јужен Израел минатиот октомври, што доведе до војната во Газа.
Претходно оваа недела, на споменик во Париз во чест на 3.900 мажи и жени кои помагале во спасувањето на Евреи за време на нацистичката окупација на Франција во Втората светска војна, биле оставени отпечатоци од раце во црвена боја.
Претседателот Емануел Макрон рече дека „сквернавењето на ѕидот го наруши споменот на француските херои и жртви на холокаустот“.
