На снимките што рано утринава кружат на социјалните мрежи од руски и украински извори се гледаат блесоци светлина и експлозии, а во заднината свират сирени.
Засега нема информации за причините и последиците од неколкуте експлозии во Џанкој.
Еден локален канал на Телеграм извести за „неколку силни експлозии“, кои почнале непосредно пред 4 часот по локално време, пред да избие пожарот. Патиштата околу воздушната база се блокирани, објави каналот.
Huge explosions can be seen in Russian-occupied Dzhankoy, Crimea. It is reported that the local airfield is compromised.
Source of videos: Telegram / Astra pic.twitter.com/JhIli2VcNo
— (((Tendar))) (@Tendar) April 17, 2024
Џанкој е голем воен центар во кој се наоѓа еден од најголемите руски аеродроми на Крим. Тоа е клучна точка за снабдување на руските војници преку јужна Украина и линиите на фронтот. Се смета дека на воениот аеродром се сместени 39-от хеликоптерски полк на 27-та мешовита авијациска дивизија на 4-та команда на руските воздушни сили и воздушна одбрана на јужниот воен округ на Руската Федерација, составен од три авијациски ескадрони.
Руските воени блогери на каналите Телеграм го потврдуваат нападот и посочуваат дека е извршен со ракети АТАКМС, а за него објавија и украинските медиуми https://kyivindependent.com/explosions-fire-reported-at-military-airfield-in-occupied-crimea/.
Русија и Украина сѐ уште официјално не ги коментираа нападите.