сабота, 2 март 2024
Министерката за животна средина со најава

Најдоцна за два месеци започнува изградбата на пречистителната станица во Скопје

Објавено на

часот

Сподели

Таа на денешниот настан одржан по повод Денот на планетата Земја, одговорајќи на новинарско прашање изрази надеж дека во наредниот месец или два ќе започне имплементацијата на проектот.

„Процедурата течеше без пречки и без проблеми. Имавме промена на градоначалник на Град Скопје, најверотано им требаше извесно време за да поминат низ процедурите и да ги проверат и во тој дел настанаа дел од несогласувањата, но среќна сум кога нешто ќе се заврши на крај добро. Сега сме сите партнери, заедно треба да го спроведеме процесот, очекуваме целосна поддршка од Град Скопје и Јавното претпријатие. Министерството е тука на располагање за сѐ што треба. Ајде да гледаме кон поведрата страна и кон позитивното дека ќе започнеме со реализација на еден од капиталните проекти, сепак градот заслужува да има третман на отпадните води“, порача министерката.

Таа потсети дека станува збор за капитален проект во вредност од повеќе од 180 милиои евра од кои што државата успеала да обезбеди грант од 70 милиони евра.

Шукова оцени дека ваквите проекти, како и ваквата владина поддршка треба да продолжат и во иднина.

„Проектот формално ќе го води Јавното претпријатие „Водовод и канализација“ вклучено е и министерството, ние секако ќе го координираме овој процес“, посочи Шукова.

ТОП ВЕСТИ

ПОСЛЕДНИ ВЕСТИ