На тој начин таа го развива својот социјален бизнис и ги усреќува децата и болните луѓе кои во друштво на животните ја забораваат својата тага, болка и недостатци.
Годинава признанието „Големо срце“ и средствата ги додели членката на здружението на жени менаџерки „Елит“ Андреа Илоска, менаџерка на „Инекс Олгица “ – Охрид која продолжува да чекори и приватно и професионално по патот на нејзината прерано почината мајка, потпреседателка на „Елит“, Олгица Илоска во чија чест се доделува оваа награда, која беше голем филантроп и хуманист.
„Честит човек секогаш работи за да направи добро дело, а ако направиме добрини, така и ние се чувствуваме убаво, но и даваме пример дека луѓето живеат додека траат нивните дела“, порача претседателката на Здружението, Ленка Угриновска.
Донираните средства ќе се искористат за ветеринарни услуги и нега на животните, кои пак преку својата љубов ќе ги направат среќни децата, но и возрасните со посебни потреби.
„Насмевка на лицата на децата со аутизам, даунов синдрум, церебрална парализа додека се дружат со коњите, козите, мачињата е најголемото богатсво и среќа и за нивните родители, но и за нас вработените на ранчот во Ранковце. Во екот на пандемијата спасивме многу животни, кучиња, мачки, коњи, кои инаку ќе завршеа во кланица за месо. Така се роди идејата за ранчот ‘Кантрисајт’, каде што љубовта кон беспомошните животни се трансформира во терапија заедно со природата“, истакна Дуда, чиј социјален бизнис е веќе препознаен и поддржан и од домашните и од странските институции, амбасади.
Во рамки на ранчот “The country side“ децата се држат со животните, јаваат, а има и базен прилагоден за лица со инвалидски колички. Мисијата на ранчот е да се едуцираат посетителите за циркуларноста, за синергијата помеѓу луѓето, животните и природата каде што сите сме еднакви и нема простор за дискриминација. Во тимот работат и експерти, психолог, дефектолог и логопед.
Мариа Дуда е членка на „Елит“ и активно учествува во програмите на здружението преку кои се поттикнува улогата на жените менаџерки во нашето општество, не само во поголемите градови, туку и во руралните средини.
