Министерството за образование и наука и Педагошката служба очекуваат дека со новиот состав комисијата ќе го интензивира и унапреди процесот на одобрување учебници во основното и средното образование и ќе биде клучниот филтер во обезбедувањето квалитетни основни помагала за совладување на наставната материја.
„Националната комисија за учебници има повеќе надлежности согласно Законот за учебници во основното и средното образование, меѓу кои формирање рецензентски комисии за ракописите на учебници, расправа за стручните вреднувања на ракописите за учебници по соодветните предмети и носење одлуки за одобрување и употреба на учебници во основното и средното образование“, се вели во соопштението.
