На видеото, кое денеска го пренесе руското Министерство за одбрана, може да се види како Герасимов претседава со состанокот на кој е информиран за обидот на украинската војска да изврши ракетни напади во Русија и на полуостровот Крим.
За време на состанок, без одреден датум, друг висок воен функционер, генерал Виктор Афзалов, потврди дека противвоздушната одбрана соборила три украински ракети С-200 и додаде дека немало жртви или материјална штета.
That feeling when the special military operation is proceeding according to plan: Russia’s MOD publishes the first footage of Ukraine invasion commander Valery Gerasimov in weeks, apparently to dispel widespread rumors he’d been dismissed pic.twitter.com/7NNauCCXQw
— max seddon (@maxseddon) July 10, 2023
Заедно со министерот за одбрана Сергеј Шојгу, Герасимов (67) беше директно цел на кусиот бунт кој од 23 до 24 јуни беше предводен од водачот на Вагнер, Евгениј Пригожин.
Од тој неуспешен бунт, се шират гласини за наводна реконструкција во рамки на воената команда.
